Atestasyon pou Kalifikasyon Minè

Antanke yon kandida pou liberasyon sou kondisyon, DHS vle gen asirans ou konn egzijans kalifikasyon pou timoun ki poko gen 18 lane yo.

Timoun ki poko gen 18 lane yo kapab jwenn liberasyon sou kondisyon sèlman si yo vwayaje vin Etazini avèk paran oswa responsab legal yo, epi yo sou responsabilite ak gad moun sa yo. Paran oswa responsab legal ki ap vwayaje avèk yon timoun ki minè dwe pare pou yo bay dokiman ki montre relasyon yo genyen avèk timoun nan lè yo rive Etazini. Si prèv sa a pa disponib, pou pwoteksyon ak byennèt timoun nan, lwa peyi Etazini an kapab egzije pou yo plase timoun nan sou responsabilite Depatman Sèvis Sante ak Sèvis Sosyal la (HHS). An jeneral, prèv responsab legal la egzije pou gen yon pwosesis jiridik oswa administratif ki fèt ki enplike tribinal oswa yon lòt antite yo rekonèt nan gouvènman an (sa vle di, yon pwokirasyon oswa yon deklarasyon alekri epi/oswa yon notè siyen pa reprezante yon angajman ofisyèl yo rekonèt).

Tanpri, ranpli atestasyon ki anba a pou sètifye ou konprann egzijans sou kesyon relasyon familyal pou timoun ki mande liberasyon sou kondisyon yo.

• Mwen konprann se sèlman minè (ki poko gen 18 lane) ki vwayaje avèk yon paran oswa yon responsab legal, epi ki sou responsabilite ak gad moun sa yo, ki kalifye pou liberasyon sou kondisyon.
• Si mwen vwayaje avèk yon timoun epi se pa mwen ki paran oswa responsab legal li, mwen kapab bay dokiman ki montre relasyon mwen genyen ak timoun nan antanke paran oswa responsab legal li. Pami prèv yo kapab gen batistè timoun nan, ak dokiman idantite pou paran oswa responsab legal la. An jeneral, prèv responsab legal la egzije pou gen yon pwosesis jiridik oswa administratif ki fèt ki enplike tribinal oswa yon lòt antite yo rekonèt nan gouvènman an (sa vle di, yon pwokirasyon oswa yon deklarasyon alekri epi/oswa yon notè siyen pa reprezante yon angajman ofisyèl yo rekonèt).
• Si mwen vwayaje avèk yon timoun epi se pa mwen ki paran oswa responsab legal timoun nan, lè mwen rive nan Pò Antre peyi Etazini an, li posib pou yo refere timoun nan bay Depatman Sèvis Sante ak Sèvis Sosyal la antanke yon timoun ki pa akonpaye.