لنډمهاله اقامه لرونکو (پیرولی) افغانانو د متحدینو د هرکلي عملیات (OAW) د پناه غوښتنې اړوند په مکرر ډول پوښتل شوي پوښتنې

د متحده ایالاتو د تابعیت او کډوالۍ خدماتو اداره(USCIS) تاسو ته ستاسو د کډوالۍ د حیثیت په اړه حقوقي مشوره نه شي درکولی. د حقوقي خدماتو موندلو په اړه د لا زیاتو معلوماتو لپاره، مهرباني وکړئ د د متحده ایالاتو د تابعیت او کډوالۍ خدماتو ادارې(USCIS)وېبپاڼه uscis.gov/avoid-scams/find-legal-servicesووینئ>

پناه لپاره د غوښتنې په موخه، تاسو بایدI-589 فورمه د پناه او د اخراج د ځنډولو لپاره غوښتنلیک ، بشپړ کړئ او لارښوونې په ډېر پام سره تعقیب کړئ. تاسو کولای شئ چې د فورمه دلته په انلاین بڼه https://www.uscis.gov/i-589> ومومئ. په دغه پاڼه کې یوه ”خبرتیا“ هم شتون لري چې عنوان یې په دې ډول دی: ”مشخصو افغانانو لپاره د پناه چټکه پرېکړه“ چېرې چې تاسو لا ډېرې ځانګړې لارښوونې ترلاسه کولای  شئ.

که چېرې تاسو له لاندې یادو شوو کټګوریو څخه په یوه کې وشمېرل شئ، تاسو باید د حکومتي مالي ملاتړ د غځولو او د اضطراري مرستې رسولو قانون (PDF) (Extending Government Funding and Delivering Emergency Assistance Act (PDF))  تر 2502(c) مادې لاندې د خپلې I-589فورمې د چټک پروسس باوري کولو لپاره لارښوونې تعقیب کړئ.

لومړۍ کټګوري

•  
  • تاسو د افغانستان تبعه یاست یا تاسو تابعیت نه لرئ خو وروستی استوګنځای مو افغانستان وو.
  • تاسو ته په متحده ایالاتو کې د 2021 کال د جولای د 30 مې او د 2022 کال د سپتمبر د 30 مې نېټې تر منځ مشروطه اقامه درکړل شوې وې؛ او
  • ستاسو مشروطه اقامه ختمه شوې نه وي.

دویمه کټګوري

•  
  • تاسو د افغانستان تبعه یاست یا تاسو تابعیت نه لرئ خو وروستی استوګنځای مو افغانستان وو.
  • تاسو ته په متحده ایالاتو کې د 2022 کال د سپتمبر تر 30 مې نېټې وروسته مشروطه اقامه درکړل شوې وې؛ او
    • تاسو د داسې یوه فرد ښځه/ مېړه یا ماشوم یاست چې د لومړۍ کټګورۍ شرایط پوره کوي، یا
    • تاسو د داسې یوه فرد والد/ والده یا ساتونکی یاست چې د لومړۍ کټګورۍ شرایط پوره کوي او تر 6 U.S.C. 279(g)(2) قانون لاندې د بې سرپرسته ماشوم په توګه منل کیږي؛ او
• ستاسو مشروطه اقامه ختمه شوې نه وي

د دې باوري کولو لپاره چې د متحده ایالاتو د تابعیتاو کډوالۍ خدماتو اداره(USCIS) وپوهیږي، چې ستاسو د پناه غوښتنې پروسه باید چټکه شي، د I-589فورمې پړاوونه هم تکمیل کړئ:

• که چېرې تاسو د I-589فورمه سپارئ، د I-589فورمې د پناه او د اخراجیا ځنډولو د غوښتنې لپاره وېبپاڼه کې د چیرته یی باید وسپارم“ یا ”ځانګړې لارښوونې“ برخه کې د یادو شوو لارښوونو مطابق پاکټ واستوئ.
• د پاکټ پر مخ “Attn: OAW” ولیکئ؛
• د I-589فورمې پر لومړۍ صفحه، A.I. برخه، 19c پوښتنه، خپل اوسنی وضعیت او ورپسې د وضعیت په برخه کې مشروطه اقامه “(Parole)” ولیکئ. د بېلګې په ډول، که چېرې تاسو متحده ایالاتو ته له “OAR”وضعیت سره داخل شوي یاست، تاسو به د وضعیت په برخه کې “OAR (Parole)” ولیکئ؛ او
• د I-589فورمې پر لومړۍ صفحه، A.I. برخه، 19c پوښتنې، د نېټې په برخه کې، خپله د داخلېدلو تر ټولو تازه نېټه ولیکئ. 

که چېرې تاسو خپله I-589فورمه په مناسب ډول بشپړه کړئ او مونږ پرېکړه وکړو چې تاسو د پورتنیو لومړۍ او دویمې کټګورۍ لپاره د وړتوب معیار پوره کوئ، مونږ به د قانون (چې لاندې زیات تشرېح شوی دی) تر 2502(c) مادې لاندې د چټک پروسس لپاره ستاسو I-589فورمه وسپارو. 

پناه لپاره غوښتنه هېڅ فیس نه لري.

تاسو کولای  شئ چې د خپلې پناه په غوښتنلیک کې خپله ښځه/ مېړه او ماشومان د متکي وګړو په توګه شامل کړئ البته که چېرې هغوي د غوښتنلیک سپارلو پر مهال په متحده ایالاتو کې موجود وي یا تر هغه مهاله موجود شي چې مونږ ستاسو د غوښتنلیک په اړه نهايي پرېکړه کوو. ماشومان باید تر 21 کلنۍ کم عمره وي او متاهل نه وي څو ستاسو په غوښتنلیک کې د متکي وګړو په توګه شامل شي. تاسو باید دغه متکي وګړي د خپلې پناه مرکې ته له ځان سره راولئ.

هو. د هر هغه فرد امنیتي او د شالید پلټنې/ معاینات به ترسره شي چې د پناه لپاره غوښتنه کوي. تاسو ښايي د دغو پلټنو/ معایناتو د پایلو پر بنسټ د پناه ترلاسه کولو مستحق و نه ګڼل شئ.

تاسو ښايي د پناه لپاره مرکې ته خپل وکیل یا رسمی استازی درسره راولئ خو لګښت به یې د متحده ایالاتو د حکومت مسؤولیت نه وي.

که تاسو په انګلیسي ژبه نه پوهېږئ و خبري نشئ کولئ، تاسو د مرکې لپاره کولی شئ یو ژباړونکی له ځان سره راولئ.

موږ د پناه غوښتنې د مرکې پر مهال ژباړونکی نه چمتو کوو، مګر دا چې تاسو کاڼه اوسئیا د اوریدلو ستونزه ولرئ. که تاسو کاڼه یاست یا د اوریدلو ستونزه لرئ او د مناسب ژباړونکي په موندلو کې مرستې ته اړتیا لرئ، د پناه غوښتنې مرکې دمخه د پناه غوښتنې دفتر سره، چې ستاسو د قضیې واک لري، اړیکه ونیسئ.

که تاسو په کافي اندازه انګلیسي نه پوهیږئ چې خپله مرکه په انګلیسي ژبه بشپړه کړئ، تاسو باید یو ژباړونکی له ځانه سره راولئ. ژباړونکی باید په انګلیسي او ستاسو په مورنۍ ژبه بشپړ آشنایي ولري او لږترلږه ۱۸ کاله عمر ولري.

لاندې خلک نشي کولی ستاسو د ژباړونکي په توګه په مرکه کې برخه واخلي:

• ستاسو استازی یا وکیل؛
• هغه شاهد چې ستاسو د مرکې پر مهال شهادت ورکوي؛ یا
• ستاسو د هیواد استازی یا دولتي کارمند.

د ژباړونکو په اړه مقررات او معلومات دلته 8 CFR 208.9(g) موندلی شئ.

که تاسو د مرکې لپاره له ځان سره یو وړ ژباړونکې را نه ولئ او تاسو پخپله په انګلیسي خبرې ونشئ کړائ، موږ به مرکه لغوه کړو او په بله نیټه به یې تنظیم کړو. تاسو خپله به د دې ځنډ مسؤل یاست. که تاسو د I-765 فورمه – د استخدام جواز لپاره غوښتنلیک – ډکه کړې وي او ستاسو د پناه غوښتنې غوښتنلیک پروسس کولو کې د پام وړ ځنډ رامنځته شوی وي» چې تاسو یې مسؤل ووسئ، موږ به ستاسو I-765 فورمه رد کړو.

که څه هم موږ د مرکې لپاره ژباړونکي نه چمتو کوو، مګر موږ د قراردادي ژباړونکو څخه کار اخلو ترڅو د پناه غوښتنې په محلي دفترونو او نورو ځایونو کې د تلیفون له لارې د پناه غوښتنې مرکې وڅاري. په عموم کې، د قراردادي ژباړونکي رول ستاسو د ژباړونکي د ژباړې نظارت کولو پورې محدود دی. د قراردادي ژباړونکو څخه تمه کیږي چې د اړتیا په صورت کې مداخله وکړي که چیرې ستاسو ژباړونکي کافي، دقیق او بې طرفه ژباړنې وړاندې کولو کې پاتې راشي.

تاسې به د پناه غوښتنې دفتر ته د یوې غیر مخالفې مرکې لپاره د پناه له یوه مامور سره راشئ ، چې نوموړی مامور به ستاسو هؤیت تصدیق او له تاسو د ژوند سوانح او د پناه غوښتنې لاملونه وپوښتي. تاسو چې په مرکه کې هر څه وایاست، محرم به وي. دا مهمه ده چې تاسو د پناه مامور ته خپلې تجربې تر ممکن بریده په تفصیلي ډول ووایاست څو هغوي پرېکړه وکړي چې ایا تاسو د یوه کډوال په توګه په شرایطو برابر یاست. مونږ به د پناه غوښتنې د مرکې پر ورځ ستاسو د غوښتنلیک په اړه پرېکړه و نه کړو.

هو، داسې قانون شته چې د پناه لپاره غوښتونکي اړ ګڼي چې متحده ایالاتو ته تر رسېدلو وروسته په یوه کال کې دننه د پناه لپاره غوښتنه وکړي، البته که چېرې هغوي داسې اسناد وښودلی شي چې د استثنا وړ یې ګرځوي. له استثناوو څخه یوه استثنا دا ده، چې غوښتونکی داسې فوق العاده حالات وښودلی شي چې د پناه غوښتنې له ځنډ سره مستقیم تړاو ولري او د نوموړو شرایطو له مخې په یوه مناسبه موده کې پناه لپاره غوښتنه وکړي.

په عمومي ډول، د پناه غوښتنې څخه مخکې تر یوې مناسبې مودې پورې اعتباري وضعیت ساتل یا مشروطه اقامه به یو فوق العاده حالت وګڼل شي. که چېرې تاسو ته په یوه کال کې دننه اعتباري وضعیت  یا مشروطه اقامه درکړل شوي وي او تاسو د دغه اعتباري حیثیت یا مشروطې اقامې د مودې د ختمېدلو دننه په یوه مناسب وخت کې پناه لپاره غوښتنه کړي وي، په عمومي ډول به دغه استثنا تاسو لپاره د تطبیق وړ وي. د متحده ایالاتو د تابعیت او کډوالۍ خدماتو ادارې وېبپاڼه ”په متحده ایالاتو کې د پناه ترلاسه کول“ لا ډېر ځانګړي معلومات لري: https://www.uscis.gov/humanitarian/refugees-and-asylum/asylum/obtaining-asylum-in-the-united-states باوري کړئ چې ”د متحده ایالاتو د تابعیت او کډوالۍ خدماتو ادارې سره د پناه مثبت پروسس“ ووینئ.

متحده ایالاتو ته تر داخلېدلو وروسته په یوه کال کې دننه د پناه غوښتنې کولو شرط، پر ټولو پناه غوښتونکو د تطبیق وړ دی. سره له دې، که چېرې افغان مشروطه اقامه درلودونکي په یوه کال کې دننه هم د پناه لپاره غوښتنه و نه کړي، ښايي د استثنا وړ وي.

د استثنا د وړتوب لپاره، تاسو باید لومړی هغه بدل شوي شرایط وښایاست، چې له مادي پلوه د پناه لپاره ستاسو وړتوب اغېزمنوي او یا داسې یو فوق العاده حالت، چې پناه لپاره ستاسو د غوښتننې په سپارلو کې له ځنډ سره تړاو ولري. متحده ایالاتو ته تر داخلېدلو وروسته د یوه کال په موده کې د مشروطې اقامې ساتل، د یوه فوق العاده حالت لپاره وړتوب رامنځته کولای شي.

د یوه بدل شوي یا فوق العاده حالت رامنځته کولو سربېره، تاسو باید وښایاست چې شرایطو ته په لیدو مو په مناسب وخت کې د پناه لپاره غوښتنه کړې ده. په داسې حال کې چې ستاسو د مشروطې اقامې موده لا هم اعتبار ولري او د پناه لپاره غوښتنلیک وسپارئ، تاسو ښايي په یوه کال کې دننه د غوښتنلیک سپارلو د فوق العاده شرایطو د استثنا لپاره وړ یاست. (ستاسو مشروطه اقامه به هغه مهال اعتبار و نه لري، چې له شرایطو یې سرغړونه وکړئ). که چېرې تاسو د مشروطې اقامې د مودې تر ختمېدلو وروسته غوښتنلیک وسپارئ، تاسو ښايي لا هم د غوښتنلیک سپارلو د یوه کال مودې د استثنا لپاره وړ اوسئ، البته په دې شرط چې د مشروطې اقامې تر ختمېدلو وروسته په مناسبه موده کې دننه خپل غوښتنلیک وسپارئ. د متحده ایالاتو د تابعیت او کډوالۍ خدماتو ادارېUSCIS یو مامور به پرېکړه وکړي، چې ستاسو د پناه غوښتنې له مرکې څخه وروسته ځنډ مناسب دی که نه.

که چېرې تاسو د مشروطې اقامې د مودې تر ختمېدلو وروسته پناه لپاره غوښتنه وکړئ، مونږ به ستاسو غوښتنلیک قبول او د یوې مرکې لپاره به درته وخت وټاکو. په مرکه کې به پر دې لامل د بحث کولو تر څنګ، چې تاسو ولې د پناه لپاره غوښتنه کوئ، د پناه غوښتنې مامور به له تاسو څخه په دې اړه هم پوښتنې وکړي چې ولې مو مخکې د پناه لپاره غوښتنه کړې نه ده. د پناه غوښتنې مامور به ستاسو د ځوابونو پر بنسټ پرېکړه وکړي چې ایا تاسو یوه بدل شوي یا فوق العاده حالت لپاره وړ یاست او یا دا چې ایا پناه لپاره ستاسو د غوښتنلیک په سپارلو کې ځنډ شرایطو ته په لیدو معقول دی که نه.

که چېرې د پناه غوښتنې مامور پرېکړه وکړي چې تاسو یوه بدل شوي یا فوق العاده حالت کې وئ او د غوښتنلیک په سپارلو کې ځنډ مو معقول دی، تاسو به د غوښتنلیک سپارلو لپاره د یو کال مودې له شرط څخه مستثنی وګڼل شئ. تر هغه وروسته به د پناه غوښتنې مامور، پناه لپاره ستاسو د غوښتنې په اړه پرېکړه وکړي.

که چېرې د پناه غوښتنې مامور پرېکړه وکړي چې تاسو یوه بدل شوي یا فوق العاده حالت کې نه وئ او د غوښتنلیک په سپارلو کې ځنډ مو معقول نه دی، تاسو به د غوښتنلیک سپارلو لپاره د یو کال مودې له شرط څخه مستثنی او د پناه لپاره مستحق و نه ګڼل شئ. که په دغه وخت کې تاسو د کډوالۍ حیثیت یا په متحده ایالاتو کې د پاتې کېدلو اجازه ترلاسه کړې نه وي، مونږ به ستاسو د پناه غوښتنې قضیه د کډوالۍ یوه قاضي ته د غور لپاره راجع کړو.

مونږ په دې اړوند کومه حقوقي مشوره نه شو درکولای، چې کله او ایا د پناه لپاره باید غوښتنه وکړئ. که چېرې تاسو باور لرئ، چې تاسو باید له متحده ایالاتو څخه د پناه په شکل خوندیتوب ترلاسه کړئ، له دغې پرېکړې څخه سمدستي وروسته باید د پناه لپاره غوښتنه وکړئ. په متحده ایالاتو کې د کډوالۍ حیثیت لپاره تر غوښتنې د مخه د مشروطې اقامې د مودې د ختمېدلو انتظار کومه ګټه نه لري.

تاسو ښايي د مؤقت خوندي شوي وضعیت درلودلو پر مهال د پناه لپاره غوښتنه وکړئ، خو مونږ یې په اړه مشوره نه شو درکولای ځکه چې مونږ حقوقي مشوره درته چمتو کولای نه شو. د حقوقي خدماتو چمتو کوونکي د موندلو په اړه معلوماتو لپاره”حقوقي خدمات پیدا کړئ“ برخې ته مراجعه وکړئ. په مهربانۍ سره یاد لرئ، چې مؤقت خوندي شوی وضعیت هم د مشروطې اقامې په څېر د لږې مودې لپاره دی.

تاسو ښايي هغه مهال د پناه لپاره غوښتنه وکړئ، چې د کډوالۍ ځانګړې وېزه(SIV) ولرئ، خو مونږ یې په اړه مشوره نه شو درکولای ځکه چې مونږ حقوقي مشوره درته چمتو کولی نه شو. د حقوقي خدماتو چمتو کوونکي د موندلو په اړه معلوماتو لپاره”حقوقي خدمات پیدا کړئ“ برخې ته مراجعه وکړئ. د مشروطې اقامې یا د مؤقت خوندي شوي وضعیت (TPS) برعکس، د کډوالۍ د ځانګړې وېزې(SIV)درلودلو حیثیت او پناه د کډوالۍ دایمي حیثیت ترلاسه کولو ته لاره هواروي. سره له دې، د کډوالۍ د ځانګړې وېزې(SIV) او پناه درلودلو ګټې له یو بل سره توپير لري. په دې اړه تر پرېکړې کولو وړاندې، چې د کډوالۍ دایمي حیثیت ترلاسه کولو لپاره څه ډول پر مخ ولاړ شئ، تاسو یې باید په توپیرونو وپوهېږئ.

د پناه مامور به هغه معلومات وارزوي چې تاسو په خپل غوښتنلیک یا د مرکې په اوږدو کې چمتو کړي وي او همدا راز هغه معلومات هم، چې ښايي هغوي سره موجود وي. نوموړی مامور به د دغو معلوماتو له مخکې پرېکړه وکړي چې:

• ایا تاسو د یوه کډوال شرایط پوره کوئ، او
• تاسو د پناه ورکولو څخه منع شوي نه یاست، او
• تاسو د یوه امتیاز په توګه د پناه لپاره مستحق شوي یاست.

که چېرې تاسو مستحق و نه ګڼل شئ، خو تاسو لا هم د وېزې وضعیت  یا مشروطه اقامه لرئ څو تاسو په متحده ایالاتو کې د پاتې کېدلو لپاره شرایط پوره کړي وي، د متحده ایالاتو د تابعیت او کډوالۍ خدماتو اداره به ستاسو د پناه د غوښتنې د رد یوه خبرتیا درولېږي. په دغه خبرتیا کې به هغه لامل یا لاملونه تشرېح شوي وي چې له مخې یې تاسو نامستحق ګڼل شوي یاست. تاسو به د دغو لاملونو د رد/ انکار او د خپلې پناه غوښتنې د ملاتړ لپاره د اضافي شواهدو چمتو کولو لپاره فرصت ولرئ. که چېرې تاسو د کډوالۍ اعتباري وضعیت یا مشروطه اقامه و نه لرئ یا د پناه غوښتنې د دفتر د پرېکړې پر مهال په متحده ایالاتو کې د پاتې کیدو لپاره په شرایطو برابر نه یاست، تاسو به د اخراج په  وضعیت کې ځای پر ځای او د متحده ایالاتو د تابعیت او کډوالۍ خدماتو اداره به ستاسو د پناه غوښتنلیک د کډوالۍ قاضي ته واستوي او هغه به ستاسو د پناه غوښتنلیک بیا وارزوي.

تاسو کولای  شئ چې د خپلې پناه غوښتنې د وضعیت   تعقیبولو لپاره په انلاین بڼه د قضیې وضعیت (egov.uscis.gov/casestatus/landing.do) څخه ګټه واخلئ. تاسو به د رسید هغې شمېرې ته اړتیا ولرئ چې د متحده ایالاتو د تابعیت او کډوالۍ خدماتو ادارې ستاسو د پناه د غوښتنلیک له سپارلو څخه وروسته دراستولی وي. که چېرې تاسو لا هم پوښتنې لرئ، زمونږ د پناه غوښتنې د دفتر موقعیت معلوموونکی (egov.uscis.gov/office-locator/#/asy) وکاروئ څو د متحده ایالاتو د تابعیت او کډوالۍ خدماتو ادارې د پناه هغه دفتر ومومئ چې ستاسو د پناه مرکه یې ترسره کړي وي یا به یې ترسره کړي.

مونږ د پناه پر هغو ځنډېدلو غوښتنلیکونو کار چټکوو چې د مشخصو افغان غوښتونکو له لورې سپارل شوي وي. مونږ به د دغو غوښتنلیک سپارونکو لپاره، په 45 ورځو کې دننه د پناه غوښتنې لپاره لومړنۍ مرکه ترسره کړو او که چېرې استثنايي حالتونه موجود نه وي، په 150 ورځو کې دننه به نهايي پرېکړه وکړو. د لا زیاتو معلوماتو لپاره، د افغانانو د معلوماتو لپاره د متحده ایالاتو د تابعیت او کډوالۍ خدماتو ادارې د وېبپاڼې د پناه برخه ووینئ: (uscis.gov/humanitarian/information-for-afghan-nationals).