Pwogram Liberasyon Kondisyonèl pou Regwoupman Fanmi Ayisyen
ALÈT: Modènizasyon Pwosesis Otorizasyon Tanporè pou Regwoupman Fanmi pou Kiba ak Ayiti
Nan dat 11 out 2023, DHS vini ak modènizasyon pwosesis regwoupman fanmi konsa pwosesis yo kapab fèt jeneralman anliy. Daprè dènye enfòmasyon pwosesis la, petisyonè ki gen yon Fòm I-130 ki apwouve epi ki resevwa envitasyon an kapab soumèt Fòm I-134A sou non chak benefisye ki kalifye. Daprè pwosesis HFRP, kalifikasyon yo pral plis pou benefisyè Fòm I-130 Ayisyen yo prensipalman ak manm fanmi ki pi pwòch yo ki poko resevwa viza imigran yo, kèlkeswa dat USCIS te apwouve Fòm I-130 yo a. Pou ka jwenn plis nouvo enfòmasyon sou pwosesis la, tanpri ale sou paj Pwosesis Otorizasyon Tanporè pou Regwoupman Fanmi.
Otorizasyon tanporè a pa yon viza imigran epi li pa menm ak rezidans pèmanan legal (kat rezidans). Otorizasyon sa tanporè epi li pèmèt ou rete Etazini legalman pandan tan otorizasyon an epi ou kapab aplike pou pèmi travay. Si ou te gen yon otorizasyon tanporè pou Etazini gras ak HFRP, ou kapab aplike pou re-jwenn yon lòt otorizasyon tanporè si otorizasyon w lan gentan ekspire oswa preske ekspire. Ale gade seksyon Demann pou re-jwenn Otorizasyon Tanporè a anba.
Aplike pou Pèmi travay
Apre yo fin ba w otorizasyon tanporè pou w rete Etazini gras ak pwosesis HFRP a, ou kalifye pou aplike pou pèmi travay selon sa USCIS deside.
Pou mande yon pèmi travay, ou dwe soumèt Fòm I-765, Aplikasyon pou Otorizasyon Travay, ak frè yo mande a oswa ou mande pou yo anile frè a lè ou ranpli Fòm I-912, Demann pou Anilasyon Frè.
Si ou te travay san pèmi travay Etazini, ou ka pa kapab fè demann kat rezidans Etazini. Nan ka sa a, ou pral bezwen aplike pou yon viza imigran epi pwosesis la pral fèt olye pou w aplike pou kat rezidans Etazini.
Kalifikasyon pou Kèk Avantaj
Apre yo fin ba w otorizasyon tanporè pou w rete Etazini gras ak pwosesis HFRP a, ou reponn ak sa ki fè w yon Kandida Kiben/Ayisyen epi ou kapab kalifye pou resevwa avantaj piblik yo. Pou plis enfòmasyon, ale nan seksyon 501(e)(1) Lwa 1980 sou Edikasyon ak Asistans Refijye (REAA)
Ou ap kalifye pou aplike pou avantaj ak sèvis apati de dat ou antre Etazini sou estati Kiben/Ayisyen. Sa se dat ou antre Etazini sou Otorizasyon Tanporè a.
Otorizasyon Tanporè ou a Ekspire
Si ou te deja benefisye Otorizasyon Tanporè Etazini, li ka tou kanpe otomatikman si:
- Si ou kite Etazini; oswa
- Otorizasyon Tanporè ou a ekspire.
Depatman Sekirite Enteryè (DHS) ka deside tou pou l kanpe otorizasyon tanporè ou an nan tout diskresyon pou lòt koz, tankou si w vyole nenpòt lwa Etazini.
Nou atann nou ke moun ki gen otorizasyon tanporè yo gras ak pwosesis HFRP a pral aplike pou kat rezidans dèkè viza imigran yo a disponib. Ou gen responsabilite pou rete suiv lè viza imigran ou an disponib. Nou pa p voye notifikasyon pou ou lè viza imigran ou disponib, epi nou pa p veye si yon benefisyè "depase laj" pou yo kalifye pou kat rezidans epi kapab bezwen yon nouvo petisyonè pou fè yon nouvo demann sou non yo. (Ale sou paj Lwa Pwoteksyon Estati Timoun (CSPA) nou an pou plis enfòmasyon.)
Tanpri ale sou enfòmasyon (PDF, 186.71 KB) sou kijan pou verifye si viza imigran ou a disponib ann Angle oswa Kreyòl Ayisyen (PDF, 189.21 KB).
| Si... | Sa vle di... |
|---|---|
|
Ou dwe aplike pou kat rezidans lan ranpli Ranpli Fòm I-485 lan, Aplikasyon pou Anrejistre antanke Rezidan Pèmanan oswa pou Modifye Estati., epi ranpli nenpot fòm yo mande ak prèv ki te gentan la, tankou men ki pa sof sa yo:
Pou jwenn plis enfòmasyon sou prèv yo mande yo, tanpri ale sou Fòm I-485 paj entènèt. Ou ta dwe panse epi mande pou jwenn yon lòt otorizasyons si pwosesis tanporè viza imigran ou an pa gentan fini avan otorizasyon tanporè ou a ekspire. Si otorizasyon tanporè ou a ekspire avan ou gen yon estati imigran epi ou pa fè demann oswa pa gentan jwenn yon lòt otorizasyon tanporè, jeneralman ou pa p kapab kalifye pou chanje estati ou pou vin yon rezidan pèmanan, menm si ou gen yon viza imigran ki disponib. Ou kapab nan yon sitiyasyon ilegal. (Gade seksyon ilegal ki pi wo yo pou jwenn plis detay.) |
| Ou te ranpli Fòm I-485 epi li ann atant | Ou ta dwe panse ak fè demann pou jwenn yon lòt otorizasyon tanporè avan otorizasyon sa w genyen an ekspire. Si nou rejte oswa refize Fòm I-485 ou a, ou kapab nan sitiyasyon ilegal si otorizasyon tanporè ou a ekspire epi ou pa rive jwenn yon lòt otorizasyon tanporè epi ou pa gen otorizasyon pou rete ankò. (Gade seksyon ilegal ki pi wo yo pou jwenn plis detay.) |
| Ou te ranpli Fòm I-485 epi nou rejte oswa refize li. | Ou kapab nan sitiyasyon ilegal si otorizasyon tanporè ou a ekspire epi ou pa rive jwenn yon lòt otorizasyon tanporè epi ou pa gen otorizasyon pou rete ankò. Ou ta dwe panse ak fè demann pou jwenn yon lòt otorizasyon tanporè. Menmsi otorizasyon tanporè ou a ekspire, ou kapab chèche pou w jwenn yon lòt otorizasyon tanporè avan ou ranpli Fòm I-485. (Gade seksyon Demann pou jwenn yon lòt Otorizasyon Tanporè ak seksyon ilegal ki pi wo yo pou jwenn plis detay.) |
Prezans Ilegal
Prezans Ilegal Etazini kapab gen gwo konsekans sou pakou imigrasyon ou:
- Ou ka pa kapab chanje estati si ou te Etazini ilegal nenpòt ki moman depi lè w rive antanke yon moun ki gen yon otorizasyon tanporè. Sa vle di ou ta dwe kite Etazini pou aplike pou yon viza imigran pou retounen Etazini antanke yon rezidan pèmanan; ak
- Si ou te Etazini ilegalman pandan plis pase 180 jou; ou kapab gen yon entèdiksyon pou rete, sa pral depann de laj ou. Sa vle di ou ka pa gen otorizasyon pou retounen Etazini pandan 3 oswa 10 lane, sa depann sou konbyen tan ou te fè iligal Etazini, sof si yo anile li. Pou plis enfòmasyon, ale sou paj nou an sou Prezans Ilegal ak Entèdiksyon pou Rete.
Si ou gen yon entèdiksyon pou rete, ou kapab aplike pou mande pou yo leve li pou, ranpli Fòm I-601A, Anilasyon Pwovizwa pou Prezans Ilegal, avan ou kite Etazini pou parèt nan yon Anbasad Ameriken oswa Konsila Ameriken pou yon entèvyou pou viza imigran. Pou plis enfòmasyon sou aplikasyon pou anilasyon apre ou fin kite Etazini, ale sou paj nou an Fòm I-601, Aplikasyon pou Anile Motif Entèdiksyon pou Rete.
Ou kapab chèche jwenn konsèy jiridik oswa konsilte yon founisè sèvis imigrasyon ki otorize selon sitiyasyon ou an.
Si ou te gen yon otorizasyon tanporè pou Etazini gras ak HFRP, ou kapab aplike pou jwenn yon lòt otorizasyon tanporè si otorizasyon w lan gentan ekspire oswa preske ekspire, sof si ou gen motif pou li pran fen selon règleman DHS nan 8 CFR seksyon 212.5(e). Ou ap kapab wè lè otorizasyon tanporè w la ap ekspire sou Fòm elektwonik I-94, Dosye Vini/Kite.
Pou fè demann pou yon nouvo otorizasyon tanporè, ou dwe:
- Ranpli yon nouvo Fòm I-131, Dokiman Aplikasyon pou Vwayaj, epi peye frè yon mande a (oswa mande pou anile frè a);
- Koche Kaz 1.f. nan Pati 2 fòm nan;
- Ekri “HFRP re-parole” (jwenn yon lòt otorizasyon tanporè HFRP)" sou kote anlè aplikasyon an oswa ekri “HFRP re-parole” (jwenn yon lòt otorizasyon tanporè HFRP)" nan Fòm I-131 ou te ranpli elektwonikman;
- Mete yon nouvo Fòm I-134, Deklarasyon Sipò Finansyè, ak nenpòt lòt prèv ki pou ede w jwenn yon lòt otorizasyon tanporè, tankou yon eksplikasyon ak dokiman sipò ki montre gen bezwen pou jwenn yon lòt otorizasyon tanporè; ak
- Voye demann ou an pa lapòs nan adrès ki nan seksyon "Re-Parole" la sou paj Otorizasyon Tanporè pou Rezon Imanite oswa Avantaj Piblik ki Enpòtan pou Moun ki pa p Viv Etazini oswa voye aplikasyon w lan elektwonikman sou kont USCIS ou anliy. (Pa voye yon aplikasyon pou jwenn yon lòt otorizasyon tanporè nan adrès PO Box 8500 ou te itilize pou premye aplikasyon HFRP ou a.)
| Si... | Sa vle di... |
|---|---|
| Otorizasyon tanporè ou pral ekspire epi ou pa rive jwenn yon lòt otorizasyon tanporè epi ou pa gen otorizasyon pou rete ankò. | Ou dwe fè demann pou w jwenn yon lòt otorizasyon tanporè pou w kapab rete legalman Etazini. Nou pral travay sou demann pou w jwenn yon lòt otorizasyon tanporè sou yon baz dosye-pa-dosye anba menm kondisyon premye otorizasyon tanporè a gras ak Pwogram HFRP a. Ou dwe voye demann ou an omwen 90 jou avan otorizasyon ou an ekspire pou ka bay tan pou pwosesis la. |
| Otorizasyon tanporè ou pral ekspire epi ou pa rive jwenn yon lòt otorizasyon tanporè oswa kat rezidans epi ou pa gen otorizasyon pou rete ankò. | Otorizasyon pou rete Etazini kapab gentan fini; poutan, ou kapab toujou fè demann pou jwenn yon lòt otorizasyon tanporè. Ou ta dwe soumèt yon demann pou ka jwenn yon lòt otorizasyon tanporè kou sa posib. Si nou apwouve demann ou an, ou ka kalifye pou aplike pou kat rezidans lè viza imigran ou an disponib. Poutan, si nou refize demann pou jwenn yon lòt otorizasyon tanporè,ou ka pa gen otorizasyon pou rete ankò epi ou ka ilegal Etazini. (Gade seksyon ilegal ki pi wo yo pou jwenn plis detay.) |
Ale sou paj pwosesis otorizasyon tanporè pou regwoupman fanmi pou plis enfòmasyon pou ka aplike pou otorizasyon tanporè gras ak modènizasyon pwosesis otorizasyon tanporè pou regwoupman fanmi pou Ayisyen yo. USCIS pa aksepte Fòm I-131 pou premye demann HFRP ankò.
Pwogram HFRP a te kreye 18 desanm 2014, pou te kapab akselere regwoupman fanmi yon fason ki asire, legal ak òganize pou ale Etazini, pou ogmante wout ki te gentan la pou antre Etazini yo pou ayiti epi ede Ayiti pou l kapab soti nan soufrans ak domaj tranblemanntè 12 janvye 2010 la.
Menmsi nou te anonse an out 2019 nou gen lide pou n kanpe Pwogram HFRP a, nou pa gen entansyon kanpe pwogram nan ankò.
Li enpòtan pou sonje:
- USCIS ak Depatman Deta vrèman ankouraje oumenm ak manm fanmi ou pou nou rete vijilan li posib pou gen moun ki deklare yo se reprezantan gouvènman Ameriken an epi mande lajan. Moun sa yo oswa "raketè" sa yo, kapab eseye pran w nan pyèj pou peye yo epi y ap ede w ranpli aplikasyon pou pwogram HFRP a. Pou konn plis sou fwod ki komen nan koze imigrasyon ak kijan pou rapòte rakatè, tanpri ale sou paj nou an Evite Fwod.
- Paj entènèt ki fini ak “.gov” se paj entènèt ofisyèl gouvènman. Enfòmasyon ki sou paj entènèt gouvènman Ameriken ki fini ak “.gov” yo ofisyèl epi yon bon. Adrès imèl ofisyèl gouvènman Ameriken an fini ak “.gov” epi ou dwe sispèk nenpòt lèt ou resevwa nan yon adrès imèl ki pa fini ak “.gov”.
- Pwosesis Otorizasyon Tanporè pou Regwoupman Fanmi
- Pwogram Otorizasyon Tanporè Regwoupman Familyal (HFRP) (Kreyol Ayisyen)
- Kijan pou verifye si viza imigran ou a disponib (Angle) (PDF, 185.1 KB)
- Kijan pou verifye si viza imigran ou a disponib (Kreyòl Ayisyen) (PDF, 189.21 KB)
- Bilten Viza Depatman Eta
- Lwa Pwoteksyon Estati Timoun (CSPA)
- Frè USCIS yo
- Lòt Enfòmasyon pou Ranpli pou Anilasyon Frè
- Prezans Ilegal ak Entèdiksyon pou Rete
Fòm yo
- Fòm I-130, Demann Paran Etranje
- Ranpli Fòm I-485 lan, Aplikasyon pou Anrejistre antanke Rezidan Pèmanan oswa pou Modifye Estati.
- Fòm I-864, Deklarasyon pou Sipòtè
- Fòm I-131, Dokiman Aplikasyon pou Vwayaj
- Fòm I-912, Demann pou Anilasyon Frè
- Fòm I-134, Deklarasyon pou Sipò Finansyè
- Fòm I-765, Aplike pou yon Pèmi pou Travay
- Fòm I-601, Aplikasyon pou Anile Motif Entèdiksyon pou Rete
- Fòm I-601A, Anilasyon Pwovizwa pou Prezans Ilegal