Kesyon Moun Poze Souvan Konsènan Pwosesis pou Kiben, Ayisyen, Nikaragweyen, ak Venezyelyen

Kesyon 1. Èske Gouvènman Ameriken an limite kantite moun ki gen dwa antre Ozetazini dapre pwosesis sa yo?

Gouvènman Ameriken an pral bay jiska 30,000 moun otorizasyon pou vwayaje vin Ozetazini chak mwa nan kad pwosesis libète kondisyonèl pou Kiben, Ayisyen, Nikaragwan ak Venezuelyen. Sa pèmèt yo kenbe yon kantite fiks konsènan fonksyònman ak moun ki fèk vini k ap chèche libète kondisyonèl yo. DHS te elimine limit premye 24,000 benefisyè Venezyelyen yo pou respekte nouvo apwòch sa a.

Gouvènman Ameriken an ap deplwaye tout efò sa yo pou diminye migrasyon iregilye Kiben, Ayisyen, Nikaragweyen ak Venezyelyen yo, yon fason pou fè moun ki kalifye yo antre Ozetazini legalman epi san danje sou yon baz ka pa ka, pou rezon imanitè ijan oswa pou yon gwo avantaj piblik. DHS pa fikse yon limit sou kantite total benefisyè yo, oswa sou kantite tan yo prevwa pwosesis sa yo ap dire pou moman sa a epi li pral kontinye kontwole pwosesis yo ak konsekans yo genyen. Gouvènman Ameriken an pran angajman tou pou bay moun ki kalifye yo aksè ak tout kalite posiblite pou yo vin legal, tankou libète kondisyonèl, viza imigran ak viza pou moun ki pa imigran, ak Pwogram Admisyon Refijye Ameriken an, an amoni ak lwa Ameriken yo.

Kesyon 2. Si mwen gen otorizasyon pou m rete Ozetazini Tanporèman gras ak pwosesis sa yo, kisa ki ka rive lè 2 lane otorizasyon m nan rive?

Gen yon pakèt chimen imigrasyon legal ki egziste, tankou yo bay plis tan pou otorizasyon an, viza pou imigran ak sila ki pa imigran yo, azil, Estati Pwoteksyon Tanporè (Temporary Protected Status, TPS), kèk moun ki gen otorizasyon pou rete Ozetazini Tanporèman ka kalifye pou ann akò ak lalwa Ameriken.

Kesyon 1. Kijan avoka yo ka ranpli Fòm I-134A pou kliyan yo ki ta renmen vin yon sipòtè?

Pa gen okenn opsyon kounye a pou yon avoka oswa yon reprezantan ki akredite sèvi ak yon kont reprezantan sou entènèt pou ranpli yon Fòm I-134A sou non yon sipòtè oswa pou soumèt enfòmasyon konsènan otorizasyon vwayaj nan non yon benefisyè apre konfimasyon Fòm I-134A a.

Kesyon 2. Mwen se yon avoka k ap ede yon sipòtè avèk Fòm I-134A. Si sipòtè a ranpli deklarasyon preparatè a sou fòm nan, èske mwen ka jwenn enfòmasyon sou sipòtè a ak/oswa benefisyè a?

Non. Deklarasyon preparatè a montre sèlman ou te ede yon moun ranpli deklarasyon an (ranpli fòm nan). Si ou se yon reprezantan legal, ou dwe soumèt yon Fòm G-28, Avi sou Prezantasyon kòm Avoka oswa Reprezantan ki Akredite nan USCIS si ou ta renmen resevwa enfòmasyon sou Fòm I-134A kliyan ou an (sipòtè). Kounye a, USCIS pa pèmèt reprezantan yo ranpli Fòm I-134A a sou Entènèt nan non yon sipòtè lè l sèvi avèk yon kont reprezantan. Men, yon reprezantan ki te soumèt yon G-28 valab bay USCIS separeman atravè yon kont reprezantan ka mande enfòmasyon sou dosye kliyan yo a (sipòtè) lè yo kontakte USCIS Sant Kontak.             

Kesyon 3. Èske ou ka Soumèt Fòm I-134A sou papye?

Non. Sipòtè ki ranpli yon dosye nan kad pwosesis yo ka sèlman soumèt Fòm I-134A sou entènèt atravè kont sou entènèt USCIS la.

Kesyon 4. Èske gen yon frè pou ranpli Fòm I-134A sa a?

Non. Pa gen okenn frè pou ranpli Fòm I-134A, epi sipòtè yo pa ka mande pou yon benefisyè bay yon frè pou ranpli Fòm I-134A nan non benefisyè a. Ni sipòtè a ni benefisyè a pa oblije peye gouvènman Ameriken an yon frè pou demann nan. Pran prekosyon ak tout magouy oswa ak tout moun k ap chèche eksplwate moun k ap mande lajan pou Fòm I-134A oswa pou patisipasyon nan pwosesis sa yo.

Kesyon 5. Si mwen soumèt Fòm I-134 avan 6 janvye 2023, èske mwen bezwen soumèt yon nouvo Fòm I-134?

Non. Si ou te soumèt Fòm I-134 la anliy avan 6 janvye 2023, (nan kad Nou Ini pou Ikrèn oswa Pwosesis pou Venezyelyen) nou ap kontinye ak menm pwosesis Fòm I-134A ou a. Ou pa ta dwe ranpli yon nouvo Fòm I-134A.

Kesyon 6. Ki diferans ki genyen ant Fòm I-134 ak Fòm I-134A?

Avan 6 janvye 2023, te gen 2 vèsyon Fòm I-134: yon vèsyon potansyèl sipòtè yo ranpli anliy nan kad Nou Ini pou Ikrèn ak pwosesis pou Venezyelyen ak yon vèsyon moun ki aksepte bay lòt benefisyè sipò finansye ki te ranpli sou papye.

Lè nou te aplike pwosesis pou Kiba, Ayiti ak Nikaragwa nan dat 6 janvye 2023, nou te mete yon nouvèl vèsyon Fòm I-134 anliy epi nou te chanje non li Fòm I-134 pou n te rive fè diferans ant 2 vèsyon Fòm yo. Apati 6 janvye 2023, si ou t ap chèche pou sipòte yon benefisyè nan kad Nou Ini pou Ikrèn oswa Pwosesis pou Kiben, Ayisyen, Nikaragweyen, ak Venezyelyen, ou dwe soumèt yon Fòm I-134A sou yon kont anliy gratis. Si ou soumèt Fòm I-134 anliy avan 6 janvye 2023 (pou pwosesis pou venezyelyen), nou pral kontinye ak pwosesis Fòm I-134.

Kesyon 1. Konbyen tan sa ap pran ant lè yon potansyèl sipòtè soumèt Fòm I-134A a ak lè pou yo bay benefisyè a otorizasyon antisipe pou li vwayaje nan kad pwosesis sa yo?

Dire pwosesis pou trete dosye a varye. USCIS ak sèvis Dwàn ak Pwoteksyon Fwontyè Etazini an (CBP) ap egzamine epi trete dosye yo fason ki pi konplè epi ki pi efikas posib la. Gouvènman Etazini an ap bay jiska 30,000 moun ki pa sitwayen otorizasyon vwayaj antisipe pou vin Etazini chak mwa, pou mande liberasyon kondisyonèl sou yon baz ka-pa-ka nan kad pwosesis sa yo.

Akòz gwo enterè pwosesis sa a lakòz la, nou mete pwosesis revizyon an ajou apati 17 me 2023. Nou mete pwosesis sa a ajou paske kantite sipòte potansyèl ki te soumèt Fòm I-134A la vrèman pi plis lontan pase 30,000 otorizasyon vwayaj antisipe ki disponib chak mwa yo. Objektif la se ofri yon mwayen ki jis, ekilibre yon fason ekitab, epi ki disponib pou tout benefisyè ki gen yon fòm I-134A kapab kontinye nan pwosesis revizyon an epi mande yon otorizasyon vwayaj.

Nan kad nouvo pwosesis revizyon an, yon fason aleyatwa, nou ap chwazi anviwon mwatye nan kantite total Fòm I-134A yo, kèlkeswa dat yo te depoze yo, pami tout travay ki annatant pou revize yo. Nou ap egzamine lòt mwatye nan kantite total la selon dat yo te soumèt dosye a sou baz metòd premye antre, premye sòti a, sa ki bay priyorite pou revize Fòm-134A ki pi ansyen yo.

Nou p ap aksepte yon Fòm I-134A de (2) fwa nan men yon potansyèl sipòtè si gen yon Fòm I-134A ki annatant ant menm potansyèl sipòtè ak benefisyè a. Si nou pa konfime yon Fòm I-134A, men, yon sipòtè kwè li ranpli kondisyon pou li vin yon sipòtè sou baz pwosesis la, li kapab depoze yon nouvo Fòm I-134A epi soumèt lòt enfòmasyon anplis kòm prèv. 

Pandan pwosesis la, gen plizyè etap ki dwe ranpli, san wete yon kontwòl sekirite ki efikas anpil, sa ki ap depann selon dispozisyon sipòtè yo ak benefisyè yo pran. Nan premye pati pwosesis la, nou ap egzamine epi reponn Fòm I-134A sipòtè potansyèl yo pi vit posib. Yonfwa nou fin konfime Fòm I-134A a, nou ap kontakte benefisyè a nan imel pou ba li enstriksyon sou fason pou li kreye yon kont USCIS anliy epi pou li ajoute dosye li a. Nan kont anliy lan, benefisyè a ap revize enfòmasyon biyografik li yo epi li ap ranpli atestasyon ki nesesè (tankou atestasyon pou kalifikasyon ak vaksen ki obligatwa yo) pou li menm ansanm ak moun ki nan gwoup vwayaj li yo epi li ap soumèt enfòmasyon yo bay CBP.

Epitou, benefisyè a dwe fè foto li epi soumèt li nan aplikasyon mobil CBP One nan. Apre li fin soumèt foto a, pwosesis la pral jwenn CBP. CBP ap egzamine enfòmasyon biyografik ki disponib yo ak foto figi benefisyè a pou detèmine si yo dwe otorize benefisyè a vwayaje vin Etazini pou mande libète kondisyonèl. Apresa, CBP ap voye desizyon otorizasyon vwayaj la bay USCIS pou afiche li sou kont USCIS anliy benefisyè a. Si CBP apwouve otorizasyon vwayaj la, benefisyè a responsab pou fè aranjman epi jwenn fon pou finanse pwòp vwayaj li nan avyon pou vin Etazini. Si CBP apwouve otorizasyon vwayaj la, an jeneral, li valab pou 90 jou.

Estati yon otorizasyon vwayaj kapab chanje nenpòt lè apre yon pwosesis revizyon. Moun yo dwe ap veye kont USCIS anliy yo souvan pou yo jwenn mesaj ak notifikasyon USCIS voye, epi pou yo jwenn dènye estati otorizasyon vwayaj la.

Kesyon 2. Si sa pran anpil tan pase sa m te atann pou yo trete Fòm I-134A mwen an, èske m dwe soumèt yon nouvo Fòm I-134A?

Non. Potansyèl sipòtè yo pa kapab soumèt yon Fòm I-134A de (2) fwa pou menm benefisyè a. Nou p ap aksepte yon Fòm I-134A de (2) fwa si gen yon Fòm I-134A ki te soumèt anvan sa epi ki annatant ant menm potansyèl sipòtè ak benefisyè a.

Ou kapab siveye estati Fòm I-134A ou a sou kont anliy USCIS ou aoswa verifye estati ki pi resan ou an nan Estati Dosye Anliy lan. Tanpri note sa, Sant Kontak USCIS la pa kapab bay okenn enfòmasyon anplis konsènan estati dosye w la.

Nou ap aksepte yon demann si Fòm I-134A ou te depoze sou non w lan te rete annatant pandan plis pase sis (6) mwa. San wete demann ki te soumèt nan bwat postal ou sou kont USCIS anliy ou an. Tanpri, konnen sa se yon peryòd tan pa defo pou demann epi ou pa ta dwe atann ou tou ak yon desizyon sou Fòm I-134A nan peryòd tan sa.

Kesyon 1. Mwen gen yon dosye imigrasyon annatant (sa vle di azil oswa Estati Pwoteksyon Tanporè (Temporary Protected Status, TPS)). Èske m kalifye pou m vin yon sipòtè?

Non. Si ou gen yon dosye imigrasyon annatant tankou yon demann azil annatant oswa yon premye demann TPS, men ou pa gen yon estati legal Ozetazini, oswa ou pa gen yon libète kondisyonèl oswa yo pa t repòte yon desizyon an favè ou oswa ou pa t benefisye yon entèvansyon ki te anpeche yo depòte ou (Deferred Enforced Departure, DED), ou pa kalifye pou ou vin yon sipòtè.

An jeneral, pou sèvi kòm yon sipòtè, yon moun oswa yon moun ki reprezante yon òganizasyon dwe:

• Se yon sitwayen Ameriken, nasyonal, oswa yon rezidan pèmanan legal; ou genyen yon estati legal Ozetazini tankou TPS oswa azil; oswa yon libète kondisyonèl oswa yo te repòte yon desizyon an favè ou oswa ou te benefisye yon entèvansyon ki te anpeche yo depòte ou (DED); 
• Pase kontwòl sekirite ak referans, tankou pou sekirite piblik, sekirite nasyonal, komès moun, ak pwoblèm eksplwatasyon; epi
• Montre kantite resous finansye ou genyen an sifi pou ou akeyi, nouri, epi sipòte moun ou dakò pou sipòte a pandan peryòd libète kondisyonèl la.

Pou plis enfòmasyon sou moun ki ka sipòte yo, tanpri ale sou paj Pwosesis pou Kiben, Ayisyen, Nikaragweyen, ak Venezyelyen nou an.

Kesyon 2. Mwen te resevwa yon premye TPS epi mwen te enskri ankò pou TPS, men m ap tann dènye apwobasyon USCIS la. Èske m ka aplike pou m vin yon sipòtè?

Wi. Si ou te resevwa yon premye TPS epi demann ou fè pou yon lòt TPS la annatant, ou kalifye pou ou vin yon sipòtè. An jeneral, pou ou sèvi kòm yon sipòtè, yon moun oswa yon moun ki reprezante yon òganizasyon dwe yon sitwayen ameriken, nasyonal, oswa rezidan pèmanan legal; gen yon estati legal Ozetazini tankou Estati Pwoteksyon Tanporè oswa azil; oswa ou gen yon libète kondisyonèl oswa yo te repòte yon desizyon an favè ou oswa ou te benefisye yon entèvansyon ki te anpeche yo depòte ou.

Pou plis enfòmasyon sou moun ki kapab yon sipòte, tanpri ale sou paj Pwosesis pou Kiben, Ayisyen, Nikaragweyen, ak Venezyelyen nou an.

Kesyon 3. Si mwen nan pwosedi pou depòtasyon epi mwen gen TPS, èske mwen kapab yon sipòtè?

Wi, ou kapab yon sipòtè si ou gen yon TPS epi ou nan pwosedi pou depòtasyon. Pa kont, si yon jij imigrasyon te bay lòd pou depòtasyon pou ka w la epi ou ap konteste desizyon la bò kote Komisyon Kontestasyon Imigrasyon, ou pa p kapab yon sipòtè.

Kesyon 4. Si mwen te gen otorizasyon pou m rete Ozetazini pou yon pwosedi depòtasyon, èske mwen kapab yon sipòtè?

Non. Si ou te gen otorizasyon pou rete Ozetazini tanporèman jis pou yon pwosedi depòtasyon, ou pa kapab yon sipòtè, sof si ou gen yon estati legal Ozetazini oswa se benefisyè aksyon difere oswa yon entèvansyon ki te anpeche yo depòte ou (Deferred Enforced Departure, DED).

Kesyon 5. Èske mwen bezwen se yon manm fanmi yon benefisyè pou soumèt yon Fòm I-134A nan non l nan kad pwosesis la?

Non. Tout moun ki ranpli kondisyon pou yo vin yon sipòtè epi USCIS valide nan kad pwosesis la ka sipòte benefisyè ki kalifye yo, oswa manm fanmi pwòch yo, san yo pa gade si sipòtè a gen rapò ak benefisyè a.

Kesyon 6.  Èske òganizasyon yo ka sèvi kòm sipòtè?

Se vre yon moun oblije ranpli epi siyen Fòm I-134A a, yo ka fè sa nan asosyasyon ak oswa sou non yon òganizasyon, yon antrepriz, oswa yon lòt konpayi ki pral bay benefisyè a kèk oswa tout sipò ki nesesè yo.

Sipòtè endividyèl ki ranpli ak oswa sou non yon konpayi ta dwe soumèt prèv angajman konpayi a pou sipòte benefisyè a lè yo ranpli Fòm I-134A a. Yo ka demontre sa nan yon lèt angajman oswa ak lòt dokiman yon ajan bay oswa yon lòt reprezantan ki gen otorizasyon nan òganizasyon an, nan antrepriz la, oswa lòt konpayi ki endike sipò lajan oswa lòt kalite sipò (tankou lojman, pwodui premye nesesite, transpò, elatriye) konpayi a pral bay benefisyè ki konsène a (gade nan Manyèl Règleman USCIS la pou plis enfòmasyon). Moun k ap ranpli ansanm ak yon konpayi pa bezwen soumèt enfòmasyon finansye pèsonèl yo, si nivo sipò konpayi a montre a sifi pou sipòte benefisyè a. Pou plis enfòmasyon, tanpri ale sou: www.uscis.gov/CHNV.

Kesyon 7.  Kijan pwosesis la fonksyone lè gen plis pase yon sipòtè pou yon benefisyè?

Plizyè sipòtè ka mete tèt yo ansanm pou sipòte yon benefisyè. Nan ka sa a, yon sipòtè ta dwe ranpli yon Fòm I-134A epi mete prèv siplemantè ki montre idantite sipò adisyonèl ak resous yo dwe bay, epi mete yon deklarasyon ki eksplike entansyon yo genyen pou pataje responsablite pou sipòte benefisyè a. Yo pral evalye ansanm kapasite sipòtè sa yo genyen pou yo sipòte yon benefisyè.

Òganizasyon, antrepriz, ak lòt konpayi ki baze Ozetazini kapab tou sipòte moun ki rive yo atravè pwosesis la. Se vre yon moun oblije ranpli epi siyen Fòm I-134A a, yo ka fè sa nan asosyasyon ak oswa sou non yon òganizasyon, yon antrepriz, oswa yon lòt konpayi ki pral bay benefisyè a kèk oswa tout sipò ki nesesè yo. Sipòtè endividyèl ki ranpli ak oswa sou non yon òganizasyon, antrepriz oswa lòt konpayi ta dwe soumèt prèv angajman konpayi a pou sipòte benefisyè a lè yo ranpli Fòm I-134A a. Yo ka demontre sa nan yon lèt angajman oswa ak lòt dokiman yon ajan bay oswa yon lòt reprezantan ki gen otorizasyon nan òganizasyon an, nan antrepriz la, oswa lòt konpayi ki endike sipò lajan oswa lòt kalite sipò (tankou lojman, pwodui premye nesesite, transpò, elatriye) konpayi a pral bay benefisyè ki konsène a (gade nan Manyèl Règleman USCIS la pou plis enfòmasyon). Moun k ap ranpli ansanm ak yon òganizasyon, antrepriz, oswa lòt konpayi pa bezwen soumèt enfòmasyon finansye pèsonèl li yo, si nivo sipò konpayi a montre a sifi pou sipòte benefisyè a.

Kesyon 8. Mwen vle sipòte yon fanmi ki gen kat (4) moun. Èske mwen ka ranpli yon fòm I-134A pou tout fanmi an?

Non. Sipòtè yo dwe ranpli yon Fòm I-134A apa pou chak benefisyè, sa gen ladan tou timoun ki minè yo. Sonje, timoun ki poko gen 18 an dwe vwayaje Ozetazini sou siveyans paran k ap pran swen l nan oswa moun ki responsab legal la.

Kesyon 9.  Èske yon sipòtè ka dakò pou sipòte plis pase yon benefisyè?

Wi. Yon moun ka soumèt yon Fòm I-134A apa pou chak benefisyè li aksepte sipòte yo. Byenke pa gen limit sou konbyen benefisyè yon sipòtè ka dakò pou sipòte, USCIS pral detèmine si yon sipòtè gen kapasite finansye pou sipòte tout benefisyè yo pandan peryòd libète kondisyonèl la, ki ka rive jiska dezan.

Kesyon 10. Mwen se yon sitwayen Ameriken, men mwen abite aletranje. Èske m kalifye pou m vin yon sipòtè?

Pou ou kalifye pou ou vin yon sipòtè, ou dwe baze Ozetazini.

Kesyon 11. Si yo pa valide Fòm I-134A mwen an, èske USCIS pral eksplike poukisa?

Yon fwa USCIS fin egzamine Fòm I-134A nou an, epi li jije moun ki ta renmen bay sipò a pa satisfè kondisyon yo pou l vin yon sipòtè, nou pral voye yon avi pa valide bay sipòtè a ak benefisyè a. Si nou bezwen plis enfòmasyon, nou ka voye yon Demann pou Prèv. Si yon sipòtè kwè li ranpli kondisyon yo pou l vin yon sipòtè dapre pwosesis la, li ka ranpli yon nouvo Fòm I-134A epi soumèt enfòmasyon adisyonèl yo kòm prèv. Yon lòt moun ki ka sèvi kòm sipòtè ka ranpli yon Fòm I-134A tou pou yon benefisyè ki te deja nan yon Fòm I-134A ki pa valide.

Kesyon 1. Èske gen yon egzijans espesifik sou revni pou Fòm I-134A a?

Non. Sitiyasyon chak moun ki ta renmen vin sipòte yo diferan, epi nou egzamine enfòmasyon finansye yo bay nan Fòm I-134A a konsènan tout byen ak resous yo genyen yo. Nou itilize Gid Federal Povrete yo, jan Depatman Sante ak Sèvis Sosyal yo dekri l la, kòm yon gid jeneral pou detèmine kapasite sipòtè a pou sipòte benefisyè a pandan dire peryòd libète kondisyonèl yo prevwa pou benefisyè a. Lè nou itilize Gid Povrete Federal yo, nou konsidere kantite moun ki genyen nan fwaye sipòte a, sa gen ladan tou benefisyè ki enskri nan Fòm I-134A sipòtè a, menmsi yo pa gen entansyon viv ak sipòtè a.

Kesyon 2. Pou Fòm I-864, Deklarasyon Sipò Selon Seksyon 213A INA, yon esponnsò dwe montre li gen revni 125% Enstriksyon Povrete Federal la pou kantite moun ki nan kay la (oswa 100% Enstriksyon Povrete Federal la, si esponnsò a nan misyon pou Fòs Lame Ameriken an). Nan Fòm I-134A Revni, eske mwen ap bezwen gen yon revni ki nan 100% oswa 125% parapò ak Enstriksyon Federal sou Povrete a?

Yo itilize Fòm I-864 ak Fòm I-134A pou objektif ki diferan. Selon pwosesis pou Kiben, Ayisyen, Nikaragweyen ak Venezyelyen yo, nou itilize Enstriksyon pou Povrete Federal la kòm yon gid jeneral pou detèmine kapasite finansye ou, pandan nou ap itilize enfòmasyon ou bay nan Fòm I-134A la pou sipòte yon benefisyè pandan tan otorizasyon pou rete Ozetazini tanporèman yo a, sa ki kapab jiska 2 lane.

Kesyon 3. What type of financial proof must I provide? Do I need to provide my tax filings, proof of employment, and bank statement, or can I submit only 1 of these documents?

Supporters should determine what financial information they have about their assets to help USCIS determine their financial suitability. Some examples of financial evidence may include your federal income tax filing; bank statements, Form W-2, Wage and Tax Statement, from your employer; pay stubs or pay statements from the past few months; and any proof of income coming into your household.

Kesyon 4. Èske non benefisyè ki nan Fòm I-134A mwen an ap kapab wè enfòmasyon finansye mwen, san wete prèv mwen te bay yo?

Non. Benefisyè yo pa p gen aksè ak enfòmasyon finansye sipòtè yo a soumèt bay USCIS kòm prèv revni ak byen.

Kesyon 5. Èske USCIS konsidere revni benefisyè a ak resous finansye pou kapab detèmine si Fòm I-134A konplè?

Non. Lè nou ap detèmine si yon Fòm I-134A konplè, nou pa konsidere enfòmasyon sou revni oswa resous finansye benefisyè a.

Kesyon 1. Si mwen gentan Ozetazini, Èske mwen ap kapab benefisye pwosesis sa yo?

Pou ou kalifye pou benefisye pwosesis sa yo, ou dwe pa ap viv Ozetazini. Lè yon moun ki kapab vin yon sipòtè ranpli Fòm I-134A, Demann sou Entènèt pou ou ka vin yon Sipòtè ak Deklarasyon Sipò Finansye, nan non yon benefisyè, adrès benefisyè a pa dwe yon adrès Ozetazini.

Kesyon 2. Si m ap viv moun nan yon lòt peyi ak yon Pèmi Pwoteksyon Tanporè, èske pèmi tanporè sa tou fè m pa kalifye pou m vwayaje nan kad pwosesis la?

Non. Yon Pèmi Pwoteksyon Tanporè se yon estati tanporè. Pèmi sa pa vle di ou se yon rezidan pèmanan nan twazyèm peyi a, epi sa pa anpeche ou patisipe nan pwosesis la. Pa kont, yo ka konsidere ou pa kalifye pou pwosesis la si ou se yon rezidan pèmanan oswa si ou gen doub nasyonalite nan nenpòt lòt peyi oswa si ou gen estati refijye nan nenpòt peyi.

Kesyon 3. Èske si mwen se yon benefisyè mwen oblije viv ak sipòtè mwen an apre mwen fin jwenn yon Otorizasyon pou mwen viv tanporèman Ozetazini?

Non. Ou pa oblije viv ak sipòtè ou a. Sepandan, benefisyè a ka bezwen lòt kalite sipò anplis sipò finansye pandan dire peryòd otorizasyon pou rete Ozetazini Tanporèman an, tankou lojman sekirize epi ki apwopriye, swen sante, transpò, jwenn pwodui premye nesesite yo, èd pou soumèt fòm tankou demann pou otorizasyon travay, aprann Anglè, jwenn travay, ak enskri timoun lekòl.

Kesyon 4. Èske yon timoun ki poko gen 18 lane ki gen doub nasyonalite kapab patisipe nan kad pwosesis sa yo?

Wi. Timoun ki poko gen 18 lane ki gen doub nasyonalite kapab patisipe nan kad pwosesis sa yo si yo reponn ak tout kondisyon yo.

Kesyon 5. Mwen ranpli kondisyon pou jwenn yon otorizasyon vwayaj nan kad pwosesis la, men mari mwen gen doub nasyonalite nan yon lòt peyi. Èske mwen ka benefisyè prensipal la pou pèmèt li kalifye pou pwosesis la?

Wi. Malgre benefisyè ki kalifye nan kad pwosesis la pa ka rezidan pèmanan oswa gen doub nasyonalite nan okenn lòt peyi, epi aktyèlman yo pa ka gen estati refijye nan okenn peyi (sòf si DHS aplike yon pwosesis pou otorizasyon tanporè Ozetazini menm jan an pou sitwayen peyi a), kondisyon sa a pa aplike pou manm fanmi pwòch yo. Manm fanmi pwòch yo nan pwosesis sa a ki gen ladan yon mari oswa madanm oswa yon patnè ki nan plasaj yon benefisyè ki kalifye nan kad pwosesis la ak timoun li genyen ki poko marye ki poko gen 21 lane.

Kesyon 6. Èske timoun ki poko gen 18 lane ka jwenn Otorizasyon Tanporè pou viv Ozetazini san paran yo oswa responsab legal yo nan kad pwosesis la?

Non. Timoun ki poko gen 18 lane pa ka vwayaje san yo pa akonpanye ak paran yo oswa yon responsab legal. Si yo pa akonpaye yo, timoun yo pa kalifye pou otorizasyon tanporè pou viv Ozetazini nan kad pwosesis sa a. Lè yo rive nan yon pò pou antre Ozetazini, yon timoun ki pa vwayaje ak paran li oswa responsab legal li a ka transfere nan siveyans Depatman Sante ak Sèvis Sosyal la (Health and Human Services, HHS), jan lalwa egzije sa selon Lwa 2008 sou Nouvo Otorizasyon pou Pwoteksyon viktim anrapò ak Komès Moun (Trafficking Victims Protection Reauthorization Act, TVPRA), pou pwoteje timoun nan kont komès moun ak lòt fòm eksplwatasyon. Pou plis enfòmasyon, tanpri ale sou paj entènèt HHS Timoun ki pa Akonpaye yo. Timoun ki pa vwayaje ak yon paran oswa yon responsab legal men ki vin Ozetazini pou rankontre yon paran oswa yon responsab legal ka prefere chèche otorizasyon pou rete Ozetazini gras ak pwosesis nòmal Fòm I-131 an.

Kesyon 7. Èske yon paran ki rezide Ozetazini nan moman kapab vwayaje pou al chèche timoun li an ki poko gen 18 lane nan kad pwosesis sa yo?

Èske yon paran ki rezide Ozetazini nan moman kapab vwayaje pou al chèche timoun li an ki poko gen 18 lane si timoun nan kalifye pou otorizasyon tanporè pou rete Etazini nan kad pwosesis la ak paran oswa responsab legal la:

• Gen yon estati legal Ozetazini, se yon moun ki gen yon otorizasyon pou rete Etazini Tanporèman (tankou Kiben, Ayisyen, Nikaragweyen ki gen otorizasyon pou rete Ozetazini Tanporèman), oswa se yon benefisyè yon aksyon difere oswa ou pa t benefisye yon entèvansyon ki te anpeche yo depòte ou (Deferred Enforced Departure, DED); ak 
• Gen dokiman oswa otorizasyon pou re-antre Ozetazini, ki kapab prèv sitwayènte Ameriken, kat rezidans, oswa yon otorizasyon tanporè pou rete Ozetazini ki avanse (Aplikasyon pou Dokiman Vwayaj, Fom I-131). 

Pou yon timoun ki poko gen 18 lane kapab jwenn otorizasyon tanporè pou rete Ozetazini nan kad pwosesis sa yo, yon sipòtè dwe ranpli Fòm I-134A la sou non timoun nan ki ap chèche reyini ak paran l oswa responsab legal li (yo) ki Ozetazini. Paran oswa responsab legal la kapab se sipòtè a epi yo kapab ranpli Fòm I-134A sou non timoun yo an si yo reponn ak kondisyon yo mande yo. Sepandan, moun ki sipòtè ki Ozetazini a pa bezwen gen yon relasyon ak benefisyè li ranpli Fòm I-134A la pou li a.

Apre USCIS konfime Fòm I-134A la, sipòtè a ta dwe suiv etap sa yo:

• Etap 1: Konekte sou kont anliy ou an.
• Etap 2: Nan tèt paj entènèt la, chwazi "Kont Mwen (My Account)" nan meni dewoulan an epi chwazi "bwat resepsyon (Inbox)". 
• Etap 3: Klike sou bouton "Nouvo Mesaj".
• Etap 4: Pou sijè a, chwazi "Lòt (Other)" nan meni ki dewoule a, epi pou nimewo resi dosye ou a, chwazi nimewo resi ou a pou Fòm I-134A, Demann sou Entènèt pou ou ka vin yon Sipòtè ak Deklarasyon Sipò Finansye. 
• Etap 5: Nan pati pou ekri mesaj la, ekri "CHNV Child Reunification (Reyinifikasyon pou Timoun KANV)" epi fè konnen se nan non yon timoun ki gen mwens pase 18 lane ou kontakte USCIS ki kalifye nan kad pwosesis pou Kiben, Ayisyen, Nikaragweyen oswa Venezyelyen epi ki gen paran li oswa responsab legal ki kapab soti ak rantre Etazini pou al chèche timoun nan konsa timoun nan ap kapab benefisye pwosesis ki pou Kiben, Ayisyen, Nikaragweyen oswa Venezyelyen.

Anplis, sipòtè a ta dwe ajoute dokiman prèv sa sou kont anliy li an:  

• Prèv ki montre li se paran oswa responsab legal timoun nan. (Pami prèv yo kapab gen sètifika nesans timoun nan, ak dokiman idantite pou paran oswa responsab legal la. An jeneral, prèv responsabilite legal la egzije pou gen yon pwosesis jiridik oswa administratif ki fèt ki enplike tribinal oswa yon lòt antite yo rekonèt nan gouvènman an. Yon pwokirasyon oswa yon deklarasyon alekri oswa yon notè siyen pa reprezante yon angajman ofisyèl yo rekonèt).
• Dokiman oswa otorizasyon ki pou pwouve paran oswa responsab legal la kapab re-antre Ozetazini. Gen dokiman oswa otorizasyon pou re-antre Ozetazini, ki kapab prèv sitwayènte Ameriken, kat rezidans, oswa yon otorizasyon tanporè pou rete Ozetazini ki avanse (Aplikasyon pou Dokiman Vwayaj, Fòm I-131).
• Yon deklarasyon ki siyen ki di paran oswa responsab legal la ap akonpaye timoun nan Ozetazini ak ba li swen ak siveyans fizik le li rive Ozetazini. 

Kesyon 8. Kiyès ki yon "responsab legal"?

Yon responsab legal se yon moun:

• Tribinal espesyal oswa eta oswa yon antite gouvènman rekonèt bay legalman siveye yon moun oswa minè; ak
•  Kapab egzèse ak responsabilite legal sou non moun sa oswa minè a.

Si yo bay yon dokiman nan yon lang etranje, ou dwe bay yo tradiksyon ki sètifye ann Angle.

Ekri yon otorizasyon pou yon paran kapab bay yon lòt moun ki pa paran oswa responsab legal timoun ki poko gen 18 lane an pèmisyon pou vwayaje ak timoun pa ase kòm prèv pou responsabilite legal.

Kesyon 9. Èske mwen oblije ranbouse sipòtè mwen an paske li aksepte sipòte m finansyèman nan kad nouvo pwosesis sa a?

Non. Chak benefisyè dwe gen pwòp Fòm I-134A yo ki konfime, men benefisyè prensipal la kapab ajoute manm gwoup ki ap vwayaje nan kont USCIS yo an anliy, tankou madanm/mari yo oswa moun yo plase ak li a kèlkeswa nasyonalite l ak timoun yo gen ki poko gen 18 lane. Pa egzanp: apre nou fin konfime Fòm I-134A pou yon timoun ki poko gen 18 lane ak yon Fòm I-134A pou paran oswa responsab legal timoun sa, paran oswa responsab legal la, antanke benefisyè prensipal kapab ajoute timoun yo nan, nan pwòp gwoup vwayaj li an sou pwòp kont USCIS li a. Benefisyè prensipal la pral revize ak konfime enfòmasyon biyografik li ak ranpli atestasyon pou manm gwoup vwayaj yo, tankou madanm/mari ak timoun yo. Sepandan, lè benefisyè prensipal la fin ranpli ak soumèt atestasyon yo bay CBP pou manm gwoup vwayaj yo ak tèt li, benefisyè prensipal la pa p kapab ajoute lòt manm nan gwoup vwayaj la sou kont USCIS li a sof si manm gwoup vwayaj la poko gen 18 lane.

Kesyon 10. Mwen te viv aletranje pandan kèk tan epi sa pa gen lontan mwen te retounen nan peyi kote m te fèt la. Èske mwen dwe gen yon kantite tan depi m ap viv la avan mwen kapab kalifye nan kad pwosesis la?

Pa gen okenn egzijans sou kantite tan ou dwe rezide nan peyi kote ou te fèt la anvan sipòtè ou a soumèt Fòm I-134A a sou non ou.

Kesyon 11. Mwen konprann paske m gen yon dosye imigrasyon annatant nan USCIS, sa p ap fè m pa kalifye pou pwosesis la; sepandan, si mwen jwenn otorizasyon pou m rete Ozetazini tanporèman nan kad pwosesis la epi yo apwouve dosye imigrasyon mwen an, èske sa pral gen efè sou kapasite mwen genyen pou m jwenn kat rezidans la annapre?

Si ou jwenn otorizasyon pou rete Ozetazini tanporèman nan kad pwosesis la epi ou gen yon dosye imigrasyon apa ki annatant nan USCIS, otorizasyon tanporè a pa pral afekte dirèkteman kapasite ou genyen pou jwenn kat rezidans. Otorizasyon pou rete Ozetazini pou peryòd 2 lane nan kad pwosesis sa yo pral pèmèt ou pou chèche èd imanitè oswa lòt avantaj imigrasyon, tankou ajiste estati w, sa ou kapab kalifye, ak pou travay Ozetazini.

Kesyon 12. Èske mwen oblije ranbouse sipòtè mwen an paske li aksepte sipòte m finansyèman nan kad nouvo pwosesis sa a?

Non. Benefisyè yo pa gen obligasyon remèt, ranbouse, travay pou, sèvi, marye, oswa rekonpanse yon lòt jan sipòtè a kòm echanj paske li te ranpli Fòm I-134A a sou non ou oswa poutèt li te ba ou sipò finansye pandan w Ozetazini. Ou pa gen pou peye pou gen aksè ak pwosesis la. Ni sipòtè a ni benefisyè a pa oblije peye gouvènman ameriken an yon frè pou Fòm I-134A oswa pou patisipasyon nan pwosesis la. Pran prekosyon ak tout magouy oswa ak tout moun k ap chèche eksplwate moun pandan y ap mande lajan pou aplike nan pwosesis sa a.

Pou plis enfòmasyon, ale sou paj Pwosesis pou Kiben, Ayisyen, Nikaragweyen, ak Venezyelyen nou an epi gade nan seksyon ki rele "Resous pou Moun ki Viktim Abi, Vyolans oswa Eksplwatasyon".

Kesyon 1. Paspò mwen ekspire. Èske mwen bezwen mande yon pwolongasyon, oswa èske yo pral aksepte paspò ekspire mwen an?

Benefisyè a dwe gen yon paspò ki valab, ki poko ekspire. Pwolongasyon ki sètifye validite paspò yo sèvi pou satisfè egzijans sa a. Si yo te pwolonje validite paspò yon benefisyè, dat ekspirasyon pwolongasyon an ta dwe reflete dat ekspirasyon paspò a. CBP pa pral otorize vwayaj si paspò oswa pwolongasyon benefisyè a ekspire.

Kesyon 2. Èske timoun yo ka vwayaje sou paspò paran yo?

Timoun ki minè k ap vwayaje ansanm ak paran yo dwe gen pwòp paspò yo epi yo pa ka mete yo sou paspò paran yo.

Kesyon 1. Ki kote yo pral pran done byometrik mwen yo?

Moun yo dwe soumèt kèk enfòmasyon byografik ak byometrik bay DHS pou fè tès ak kontwòl. Si yon moun resevwa otorizasyon pou l vwayaje vin Ozetazini, lè li rive nan yon pò pou antre Ozetazini, chak moun pral oblije bay lòt enfòmasyon, tankou anprent dijital yo, pou plis kontwòl byometrik.

Kesyon 1. E si mwen pa gen aksè ak yon vaksen COVID-19 Administrasyon Ameriken pou Pwodui Alimantè ak Medikaman yo bay?

Anvan ou vwayaje Ozetazini, ou dwe sètifye ou te ranpli egzijans vaksen yo oswa ou kalifye pou yon eksepsyon anrapò ak egzijans vaksen pou lawoujòl, polyo, ak premye dòz vaksen COVID-19  Administrasyon Ameriken pou Pwodui Alimantè ak Medikamanapwouve oswa otorize oswaLis Itilizasyon nan Ka Ijans (Emergency Use Listed, EUL) Òganizasyon Mondyal Lasante etabli.

Ou ka jwenn yon apèsi sou atestasyon ki obligatwa yo sou paj Pwosesis pou Kiben, Ayisyen, Nikaragweyen, ak Venezyelyen nou an.

Kesyon 1. Otorizasyon vwayaj mwen an pral ekspire talè, epi mwen pa t kapab fè aranjman pou vwayaj Ozetazini. Èske mwen ka mande yon pwolongasyon?

Si, pou rezon ki pa sou kontwòl ou, ou pa kapab vwayaje nan peryòd validite 90 jou otorizasyon vwayaj la, sipòtè ou la ka soumèt yon demann inik pou pwolongasyon otorizasyon vwayaj 90 jou bay USCIS. Se sèl sipòtè ki valide ki te ranpli Fòm I-134A a, Demann sou Entènèt pou vin yon Sipòtè ak Deklarasyon Sipò Finansye (yo te konn rele Fòm I-134, Deklarasyon Sipò Finansye) sou non yon benefisyè ki kalifye oswa manm fanmi pwòch li ka mande yon pwolongasyon inik pou pwolonje yon otorizasyon vwayaj ki te deja apwouve. Benefisyè yo pa ka mande yon pwolongasyon otorizasyon vwayaj yo nan pwòp non yo.   

Sipòtè yo ka soumèt yon demann pwolongasyon ki pa depase 30 jou anvan, epi ki pa depase 30 jou apre, dat ekspirasyon premye peryòd otorizasyon vwayaj ki apwouve a. Sipòtè yo dwe mande yon pwolongasyon apa pou chak benefisyè lè yo swiv etap ki anba yo.

Pou soumèt demann nan:

• Etap 1: Konekte sou kont an liy ou an.
• Etap 2: Nan tèt paj wèb la, chwazi "Kont Mwen (My Account)" nan meni dewoulan an epi chwazi "bwat resepsyon (Inbox)".
• Etap 3: Klike sou bouton "Nouvo Mesaj (New Message)".
• Etap 4: Pou sijè a, chwazi "Yon ka ki deja ranpli sou entènèt (A case already filed online)" nan meni ki dewoule a, epi pou nimewo resi dosye ou la, chwazi nimewo resi ou la pou Fòm I-134A.
• Etap 5: Nan espas pou mesaj la, fè konnen ou ta renmen kontinye sipòte benefisyè ki konsène a ki poko vwayaje Ozetazini epi ou ap mande yon pwolongasyon pou otorizasyon vwayaj benefisyè a, epi klike sou Voye ale (Send)

USCIS pral egzamine demann sipòtè a fè pou yon pwolongasyon otorizasyon vwayaj epi li pral soumèt demann nan, ansanm ak enfòmasyon sou benefisyè a, bay CBP pou l ka fè lòt kontwòl. Si CBP apwouve demann nan, benefisyè a pral resevwa yon notifikasyon nan imel lè yo afiche otorizasyon vwayaj pwolonje a sou kont li. Tanpri sonje pou rezon konfidansyèl, sèlman benefisyè a pral kapab wè avi otorizasyon vwayaj pwolonje a sou kont an liy li a. Benefisyè a ta dwe fè ou konnen lè li resevwa avi pwolonje otorizasyon vwayaj li a.

Si premye otorizasyon vwayaj apwouve benefisyè a te ekspire pandan plis pase 30 jou anvan oswa apre soumisyon demann pwolongasyon an, oswa si benefisyè a pa ka vwayaje Ozetazini pandan pwolongasyon inik 90 jou a, sipòtè a dwe soumèt yon nouvo Fòm I-134A sou non benefisyè a pou jwenn yon nouvo otorizasyon vwayaj.

Kesyon 2. Mwen (yon benefisyè) soumèt pa erè enfòmasyon ki pa kòrèk sou mwen menm ak sou timoun minè mwen yo bay CBP epi yo te refize ban m otorizasyon pou vwayaje a. Kisa mwen ta dwe fè?

Sipòtè ou la ap bezwen soumèt yon nouvo Fòm I-134A sou non ou.

Kesyon 3. Si yo refize otorizasyon vwayaj mwen an, èske CBP ka di m pou kisa?

Akòz karaktè sekirize ki gen nan pwosesis kontwòl ak chwa yo, CBP pa ka bay plis enfòmasyon sou pwosesis la, oswa bay detay sou estati ak/oswa rezilta egzamen otorizasyon vwayaj yon benefisyè. Si yo refize otorizasyon vwayaj la, CBP pa kapab pibliye enfòmasyon sou rezon ki fè refi a te fèt. Si otorizasyon vwayaj la annatant, CBP mande pou kandida yo rete pasyan pandan y ap kontinye fè egzamen an.

Kesyon 4. Si mwen te gen otorizasyon pou m rete Ozetazini gras ak pwosesis sa yo, èske mwen ap kapab gen yon Dokiman Otorizasyon Avanse?

Wi. Si ou gen otorizasyon pou rete Ozetazini tanporèman epi ou vle aplike pou Dokiman Otorizasyon Avanse, sa ki pral pèmèt ou chèche otorizasyon Ozetazini nan yon pò ladwàn lè ou soti nan vwayaj nan yon peyi etranje, ou ta dwe ranpli Fòm I-131, Aplikasyon pou Dokiman Vwayaj. Pou plis enfòmasyon sou Dokiman Otorizasyon Avanse a, ki gen ladan l frè ak egzanpsyon, ale sou paj entènèt Fòm I-131.

Tanpri konnen gen yon dokiman Otorizasyon Avanse pa garanti ou pral jwenn otorizasyon pou rete Ozetazini tanporèman ankò. CBP pral pran yon desizyon apa sou demann otorizasyon w lan lè ou rive nan yon pò ladwàn.

Kesyon 1. Si yo apwouve mwen pou vwayaje Ozetazini kòm yon benefisyè nan kad nouvo pwosesis sa a, ki lè mwen ka aplike pou otorizasyon travay?

Apre yo fin bay ou libète kondisyonèl Ozetazini, ou kalifye pou aplike pou otorizasyon travay selon sa USCIS deside. Pou mande yon Dokiman Otorizasyon Travay, ou dwe soumèt Fòm I-765, Aplikasyon pou Otorizasyon Travay, lè ou sèvi avèk kòd kategori (c)(11) ansanm ak frè ki nesesè yo oswa mande yon franchiz pou frè. Ou ka soumèt Fòm I-765 atravè kont an liy USCIS ou a ak frè ki nesesè yo. Si ou ap mande yon franchiz pou frè, ou dwe voye nan lapòs Fòm I-912 la, Demann Franchiz pou Frè, ak Fòm I-765. Fòm I-912 pa ka soumèt sou entènèt atravè kont an liy USCIS la.

Kesyon 2. Si yo apwouve mwen pou vwayaje Ozetazini kòm yon benefisyè nan kad nouvo pwosesis sa a, ki lè mwen ka aplike pou otorizasyon travay?

Apre fin ba w otorizasyon pou rete Ozetazini tanporèman, ou kalifye pou aplike pou otorizasyon travay selon sa USCIS deside. Pou mande yon Dokiman Otorizasyon Travay, ou dwe soumèt Fòm I-765, Aplikasyon pou Otorizasyon Travay, lè ou sèvi avèk kòd kategori (c)(11) ansanm ak frè ki nesesè yo oswa mande yon egzanpsyon frè. Ou ka soumèt Fòm I-765 atravè kont an liy USCIS ou a ak frè ki nesesè yo. Si ou ap mande yon egzanpsyon frè, ou dwe voye nan lapòs Fòm I-912 la, Demann pou Egzanpsyon Frè, ak Fòm I-765. Ou pa ka ranpli Fòm I-912 anliy sou kont USCIS anliy ou an.

Kesyon 3. Konbyen tan sa ap pran pou aplikasyon pou otorizasyon travay mwen apwouve?

Pandan tan pwosesis la varye sou konpleksite chak dosye, nou ankouraje ranpli anliy paske sa ede w pa pran reta nan lapòs, resevwa yon resi rapid ak pèmèt ou gen yon kont USCIS pou ka gade kijan dosye a ap avanse. Papye pou otorizasyon travay ki ranpli sou fòm papye yo kapab ale sou kont anliy lan yon moun tou. Menm si ou soumèt demann ou pa lapòs oswa anliy, nou ap travay ak teknoloji ki disponib yo pou kapab redui tan pwosesis la.

Kesyon 1. Ki pwoblèm mwen kapab korije nan Sant Kontak USCIS?

Tablo sa montre ki pwoblèm mwen kapab korije nan Sant Kontak USCIS:

Kesyon 2. Ki pwoblèm mwen kapab korije nan Sant Kontak USCIS?

Ou atache prèv yo sou kont USCIS anliy ou an pou korije pwoblèm ki nan tablo anba. Ou pa bezwen voye yon mesaj sekirize oswa rele Sant Kontak USCIS la. Si ou voye yon mesaj sekirize, Sant Kontak USCIS la pa pral reponn ou; nou pral revize demann pou koreksyon an lè nou seleksyone Fòm I-134A ou pou revizyon.

Tablo ki anba gen lis pwoblèm sipòte oswa benefisyè a kapab rezoud oswa ki pa kapab korije. Ou pa bezwen voye yon mesaj sekirize oswa rele Sant Kontak USCIS la. Si ou voye yon mesaj sekirize, Sant Kontak USCIS la pa pral reponn ou.

Kesyon 3. Mwen se yon benefisye epi mwen te resevwa yon kòd erè nan aplikasyon mobil CBP One nan ki di "Nou pa ka jwenn dosye: Tcheke dat nesans ou, paspò ak nimewo Etranje ou nan kont myUSCIS ou a pou asire yo kòrèk.” Kisa pou m fè?

Pou korije erè a epi verifye si atestasyon ou yo te byen soumèt:

• Konekte sou kont USCIS anliy ou a epi verifye si yo te soumèt atestasyon ou yo bay CBP. Ou ta dwe wè yon alèt ki di: "Enfòmasyon ak atestasyon ou yo te soumèt avèk siksè bay Ladwàn Ozetazini ak Pwoteksyon Fwontyè yo (CBP)."
• Apre sa, chwazi “Gade enfòmasyon biyografik ou yo” epi asire dat nesans ou an nan fòma MM/JJ/AAAA epi nimewo paspò ou kòrèk.

Si w bezwen fè koreksyon nan enfòmasyon ki nan paspò ou a oswa nan dat nesans ou, oswa si tout enfòmasyon ou yo parèt kòrèk epi ou toujou pa kapab kontinye, ou ta dwe itilize kont USCIS ou a pou:

• Telechaje yon kopi paspò ou ki valab, ki poko ekspire kòm Prèv yo pa mande nan ribrik Avi ou a; epi
• Voye yon mesaj bay USCIS apati bwat resepsyon ou nan. Nan mesaj la, ou dwe idantifye enfòmasyon ki bezwen korije oswa endike enfòmasyon ou yo parèt kòrèk men ou pa kapab kontinye nan aplikasyon mobil CBP One nan.

Kesyon 1. Si mwen bezwen soumèt yon demann sou dosye mwen an, kijan mwen kapab kontakte USCIS?

Pi bon fason pou kontakte nou depann sou kalite demann nan.

Asistans Teknik ak Aksè sou Kont Anliy oswa Chanje Modpas

Si ou gen yon pwoblèm ak aksè kont lan oswa bezwen chanje modpas, itilize fòm èd pou bezwen anliy nou an.

Estati Demann Dosye yo:

Ou kapab siveye estati Fòm I-134A ou a sou kont anliy USCIS ou a oswa verifye estati ki pi resan ou an nan Estati Dosye Anliy lan. Tanpri konnen Sant Kontak USCIS la pa kapab bay lòt enfòmasyon anplis sou estati dosye w la.

Pou moman nou pa kapab di konbyen tan pwosesis Fòm I-134A la kapab pran epi nou pa mete konbyen tan pwosesis la kapab pran sou uscis.gov. Nou ap mete estati ou ajou nan kont USCIS anliy ou an lè nou pran yon desizyon sou dosye w la.

Nou ap aksepte yon demann si Fòm I-134A ki te depoze sou non w lan te rete annatant pandan plis pase sis (6) mwa. San wete demann ki te soumèt nan bwat postal ou sou kont USCIS anliy ou an. Tanpri konnen sa se yon peryòd tan pou aksepte demann. Ou pa ta dwe atann ou tou ak yon desizyon sou Fòm I-134A nan 6 mwa.

Koreksyon nan Fòm I-134A

Si ou bezwen korije enfòmasyon pou soumèt Fòm I-134A, ale nan seksyon ki anlè ‘Koreksyon yon Fòm I-134A ki Soumèt.’

Kesyon 2. Kijan mwen, antanke yon potansyèl sipòte kapab anile yon Fòm I-134A ki annatant?

Si Fòm I-134A ou te depoze a toujou annatant pou USCIS revize, ou ta dwe konekte sou kont anliy USCIS ou a, ale nan ribrik Avi yo, epi itilize fonksyon Prèv yo pa Mande pou telechaje yon lèt yo te siyen alamen (se pa yon fason elektwonik). Lèt la dwe byen eksplike ou ta renmen anile Fòm I-134A ou te ranpli a. Ou dwe konsève lèt orijinal ki siyen pou sizoka nou mande li annapre. USCIS pa p reponn lèt ou an. Sepandan, USCIS pral revize demann pou anile a lè nou seleksyon Fòm I-134A pou revizyon.

Ou dwe konnen nou pa p aksepte demann pa lapòs pou nou anile Fòm I-134A ou a. Ou dwe atache demann pou anile Fòm I-134A jan sa ekri anlè a.

Si Fòm I-134A te konfime, li pa p kapab anile.

Kesyon 3. Fòm I-134A mwen an valide, men ou poko kontakte benefisyè mwen an. Kisa mwen ta dwe fè?

Si benefisyè ou a pa t resevwa avi imèl yo, ou ta dwe revize Fòm I-134A a epi gen asirans ou te bay adrès imèl ki kòrèk la. Si adrès imèl la korèk benefisyè a ta dwe verifye espam ak dosye imèl ki pa dezire yo. An jeneral, nan sitiyasyon kote benefisyè a pa t resevwa Avi sou Kont li a, yo ta dwe rele Sant kontak USCIS la. Nimewo a pou moun ki deyò Ozetazini se +1-212-620-3418. Sinon, sipòtè benefisyè a ka voye bay USCIS yon mesaj sekirize konsènan pwoblèm nan atravè pwòp kont USCIS anliy li a, epi apre nou fini pwosesis verifikasyon an, nou ka imèl Avi sou Kont la nan imèl benefisyè nou genyen nan dosye a.

Si adrès imèl la pa kòrèk, konekte sou kont an liy USCIS ou a, ale nan ribrik Avi yo, epi itilize fonksyon Prèv yo pa Mande pou atache yon lèt yo te siyen alamen (se pa yon fason elektwonik). Lèt la ta dwe:

• Eksplike adrès imèl pou benefisyè ou te antre nan Fòm I-134A a pa t kòrèk; epi
• Mande pou USCIS mete ajou adrès imèl benefisyè a epi voye Avi sou Kont USCIS la nan bon adrès imèl benefisyè a.

Remak: Lèt ou a ta dwe mansyone ni adrès imèl orijinal ki pa kòrèk yo bay sou Fòm I-134Al a ak adrès imèl ki nouvo epi ki kòrèk pou benefisyè a. Ou dwe konsève tout lèt orijinal ki siyen pou sizoka nou mande li annapre.

Si yon benefisyè toujou pa ka jwenn avi yo, li ta dwe rele Sant Kontak USCIS la nan 800-375-5283. Nimewo a pou moun ki deyò Ozetazini se +1-212-620-3418.

Kesyon 1. Ki kote mwen ka jwenn plis enfòmasyon sou pwosesis oswa èd ak Fòm I-134A?

Nou pa vle w viktim magouy imigrasyon. Si w bezwen konsèy jiridik sou kesyon imigrasyon, asire w moun ki ap ede w la gen otorizasyon pou bay konsèy jiridik. Se sèlman yon avoka oswa yon reprezantan akredite ki ap travay pou yon òganizasyon Depatman Jistis rekonèt, ki kapab ba w konsèy jiridik. Ale sou paj Evite Magouy la pou enfòmasyon ak resous ak tout paj Magouy ki Komen ki gen enfòmasyon magouy espesifik ki vize sipòtè ak benefisyè yo sou pwosesis sa yo.

Òganizasyon ki pa fè pati gouvènman an ka ede potansyèl sipòtè ak benefisyè yo pou prepare pou pwosesis sa a yo. Nou mete anba a de (2) òganizasyon ki espesyalize nan bay piblik la enfòmasyon sou fason pou yo akeyi moun ki fenk vini yo ak resous pou sipòte patisipasyon nan pwosesis sa yo.

• Welcome.us bay enfòmasyon sou fason pou akeyi ak sipòte moun ki fenk vini yo.
• Sant Esponnsò Kominotè (Community Sponsorship Hub) etabli Pwogram pou Gwoup Esponnsò (Sponsor Circle Program), ki kapab bay resous ak rekòmandasyon k ap kontinye pou sipòtè yo.

Nou bay enfòmasyon sa yo nan objektif pou enfòme w sèlman. DHS pa pran responsabilite pou antite sa yo. Lè nou itilize antite sa yo nan plas lòt antite, li pa bay yon moun ki gen otorizasyon rete Ozetazini tanporèman okenn avantaj nan desizyon k ap pran pou demann li a.

Kesyon 2. Èske gen yon frè pou patisipe nan pwosesis sa?

Ou pa gen pou peye pou gen aksè ak pwosesis la. Ni sipòtè a ni benefisyè a pa oblije peye gouvènman Ameriken an yon frè pou Fòm I-134A. Pran prekosyon ak tout magouy oswa ak tout moun k ap chèche eksplwate moun k ap mande lajan pou Fòm I-134A oswa pou patisipasyon nan pwosesis sa yo. Tanpri konnen benefisyè yo pa gen obligasyon remèt, ranbouse, travay pou, sèvi, marye, oswa rekonpanse yon lòt jan sipòtè a kòm echanj paske li te ranpli Fòm I-134A a sou non ou oswa poutèt li te ba ou sipò finansye pandan w Ozetazini

Kesyon 3. Kisa m ta dwe fè si yon moun kontakte m sou entènèt oswa sou rezo sosyo epi li ofri pou li sipòte m?

Atansyon ak moun ki kontakte sou entènèt oswa sou rezo sosyo yo ak:

• Di yo se ofisyèl gouvènman;
• Ofri w pou sipòte w oswa pou ba w yon sipòte ann echanj pou peye yo oswa lòt fòm rekonpans.
• Mande gen enfòmasyon biyografik ou tankou nimewo paspò w oswa dat nesans ou.

Ni sipòtè a ni benefisyè a pa oblije peye gouvènman Ameriken an yon frè pou Fòm I-134A. Pran prekosyon ak tout magouy oswa ak tout moun k ap chèche eksplwate moun k ap mande lajan pou Fòm I-134A oswa pou patisipasyon nan pwosesis sa yo. USCIS ap kontakte w sèlman sou chèn ofisyèl gouvènman yo epi li pa pral kontakte w sou kont rezo sosyo ou (tankou Facebook, Twitter, LinkedIn, elt.). Tanpri ale sou paj Magouy ki Komen yo pou plis enfòmasyon.

Kesyon 1. Èske moun ki gen libète kondisyonèl ki te vin Ozetazini atravè pwosesis sa yo kalifye pou jwenn lisans chofè oswa kat idantifikasyon ki konfòm ak REAL ID?

Benefisyè ki kalifye yo nan kad pwosesis la ansanm ak manm fanmi pwòch yo ki gen libète kondisyonèl Ozetazini pa kalifye pou gen yon lisans chofè oswa kat idantifikasyon ki konfòm ak BON ID paske libète kondisyonèl la pa gen ladan Lwa sou REAL ID (PDF) kòm yon kategori ki otorize pou resevwa yon lisans oswa yon kat idantifikasyon ki konfòm ak REAL ID. Sa pa aplikab pou Afgan ki gen libète kondisyonèl ki tonbe nan domèn aplikasyon seksyon 2502(b)(3) Lwa sou Apwopriyasyon Siplemantè Afganistan. Sepandan, moun ki gen libète kondisyonèl ki yon lòt kategori kalifikasyon Lwa REAL ID a kouvri, tankou yon demann ki apwouve oswa ki annatant pou Estati Pwoteksyon Tanporè oswa azil, kapab gen posiblite pou kalifye pou yon lisans chofè oswa kat idantifikasyon ki konfòm ak REAL ID. Mete sou sa, anpil otorite ki responsab pou bay lisans pou chofè pèmèt moun ki gen libète kondisyonèl yo aplike pou yon lisans chofè oswa kat idantite ki pa konfòm ak REAL ID.  Pou plis enfòmasyon, tanpri gade REAL ID Kesyon Moun Poze Souvan ak konsèy Depatman Veyikil ak Motè pou jiridiksyon kote ou ap viv la.